A ACABAT ERA PREDICCION DE LAUEGI DETH CONSELH GENERAU D’ARAN ENTARA SASON 2008/2009

Encara i a fòrça nhèu enes montanhes, çò que mos permeterà alongar era sason quauques setmanes mès.

En aguesta sason der an, cau tier en compde que es precipitacions sòlen auer ua còta de nhèu fòrça nauta, mès qu’apròp des tucs se pòden formar plaques de vent que s’estabilizen en 24 o 48 ores ath maxímum.

Entara rèsta dera sason, vos recomanam que prengatz es mesures de seguretat pròpies dera primauèra: evitatz es zònes de lauegi enes ores de mès calor o quan plòigue e portatz tostemp eth materiau de seguretat (ARVA, pala e sonda). Entà mès informacion podetz consultar: www.igc.cat

Non volem acabar sense arregraïr a toti aqueri collaboradors que mos an acompanhat ath long des nòstes gessudes o que mos an hèt a arribar informacion d’utilitat entara realizacion des bulletins de perilh.

Eth Centre de Prediccion de Lauegi dera Val d’Aran reprenerà era prediccion de lauegi damb es prumères nhèus dera sason 2010/2011.

Tanben vos informaram deth calendari de corsi de Nivologia, Lauegi e Seguretat 2010/2011 ath long deth mes de noveme.

Demoram retrobar-vos er an que ven damb naui projèctes e illusions!